REIT: રિયલ એસ્ટેટમાં ઓછી મૂડીથી રોકાણ કરો અને કમાવો નિયમિત ડિવિડન્ડ

REIT એટલે શું?

REIT એટલે એવી સંસ્થા કે ટ્રસ્ટ જે આવક આપતી રિયલ એસ્ટેટ મિલકતોમાં રોકાણ કરે છે. ટૂંકમાં, રોકાણકારોને મોટી કોમર્શિયલ મિલકતોમાં ઓછી મૂડીમાં રોકાણ કરવાની તક મળે છે. REIT મ્યુચ્યુઅલ ફંડની જેમ ઘણા રોકાણકારોના પૈસા ઓફિસ, કોમ્પ્લેક્સ, જેવી આવક આપતી મિલકતોમાં રોકાણ કરે છે. રોકાણકારોને તેના બદલામાં ડિવિડન્ડરૂપે નિયમિત આવક મળે છે. નાના ટુકડામાં રોકાણ કરવાથી રોકાણકારને આખી પ્રોપર્ટી ખરીદવાની જરૂર પડતી નથી. તમે આ રીતે વળતર તરીકે પરોક્ષ આવક ઊભી કરી શકો છો.

REIT કેવી રીતે કામ કરે છે?

ઈન્વેસ્ટર REITમાં પૈસાનું રોકાણ કરે છે. REIT રોકાણકારોના પૈસા ભેગા કરીને પ્રોપર્ટીમાં રોકાણ કરે છે. પ્રોપર્ટીમાંથી ઊભી થતી ભાડાની આવકને રોકાણકારોમાં યુનિટ્સમાં ડિસ્ટ્રીબ્યુટ કરી દેવામાં આવે છે.

REITમાં રોકાણથી શું ફાયદો?

આમ તો, રોકાણ માટે કોઈ નિયમો બનાવવામાં આવ્યા નથી, પરંતુ પ્રોપર્ટીમાં રોકાણ કરવું હોય તો ઓછા ભંડોળથી આ રીતે રોકાણ કરી શકો છો.

રોકાણકારોને મુખ્યત્વે બે રીતે લાભ થાય છે: નિયમિત આવક અને મૂડીમાં વધારો

• પ્રોપર્ટીમાંથી મળતી ભાડાની નિયમિત આવક રોકાણકારોને ડિવિડન્ડ સ્વરૂપે મળે છે.

• REITના યુનિટની કિંમત વધે તો રોકાણકારને મૂડી વધારાનો લાભ મળી શકે છે એટલે ઓછા ખર્ચે વધુ વળતર મળે.

• મોટાભાગના REIT સ્ટોક એક્સચેન્જ પર ટ્રેડ થાય છે. તેથી રોકાણકારોને જુદી જુદી કંપનીઓમાં ઈન્વેસ્ટમેન્ટ કરવાની તક મળે છે.

• REITને SEBI દ્વારા રેગ્યુલેટ કરવામાં આવે છે અને તેમણે પ્રોફેશનલ્સ દ્વારા ઓડિટ કરાયેલા નાણાકીય અહેવાલો રજૂ કરવા પડે છે. ટેક્સેશન, માલિકી સહિતની માહિતી ઉપલબ્ધ હોવાથી સમગ્ર પ્રક્રિયામાં પારદર્શિતા રહે છે.

• મોટાભાગના REIT જાહેર સ્ટોક એક્સચેન્જ પર ટ્રેડ થાય છે. તેથી તેને સરળતાથી ખરીદી અને વેચી શકાય છે.

• REITમાં રોકાણથી જોખમની સરખામણીએ વળતર મેળવવાની તક રહે છે અને નિયમિત કેશ ફ્લો ઊભો થઈ શકે છે. મોંઘવારી વધુ હોય ત્યારે પણ તે આવકનો એક સ્થિર સ્ત્રોત બની શકે છે.

REITમાં કેટલી કંપની લિસ્ટેડ છે?

Knowledge Realty

Embassy Off.REIT

Bagmane Prime REIT

Mindspace Busine

Brookfield India

Nexus Select

REIT અને રિયલ એસ્ટેટમાં રોકાણ વચ્ચેનો તફાવત

REITs Real Estate

ઓછી મૂડીની જરૂરિયાત ₹300-₹400ની રકમથી રોકાણ કરી શકાય સામાન્યપણે મોટી મૂડીની જરૂર પડે

તરલતા (લિક્વિડિટી) સ્ટોક એક્સચેન્જ પર ખરીદ-વેચાણ કરી શકો લિક્વિડિટીમાં વધુ સમય થાય

ઓછો ટ્રાન્ઝેક્શન ખર્ચ ખૂબ જ ઓછો ખર્ચ ટ્રાન્ઝેક્શનનો ખર્ચ વધુ હોય

વૈવિધ્યતા (ડાયવર્સિફિકેશન) વિવિધ મિલકતમાં રોકાણ એક જ પ્રોપર્ટીમાં રોકાણ હોવાથી જોખમનું પ્રમાણ રહેલું હોય

કંટ્રોલ સુવ્યવસ્થિત સંચાલન મિલકત પર સીધું નિયંત્રણ

REITમાં રોકાણ કેવી રીતે કરશો?

REITs દ્વારા રિયલ એસ્ટેટમાં રોકાણ કરવાની 2 રીતો છે:

Stock Exchange
ભારતમાં મુખ્યત્વે 6 REITs લિસ્ટેડ છે, Knowledge Realty, Embassy Off.REIT, Bagmane Prime REIT, Mindspace Busine, Brookfield India, Nexus Select. જેમાં તમે સીધા સ્ટોક માર્કેટ એક્સચેન્જ દ્વારા ખરીદી શકો છો.

IPO
ભારતમાં હાલમાં 6 REITs SEBIમાં લિસ્ટેડ છે. જેના દ્વારા તમે રિયલ એસ્ટેટમાં રોકાણ કરી શકો છો. REITs સામાન્ય રીતે નવા પ્રોજેક્ટ્સમાં રોકાણ કરવા માટે IPO પણ લાવતી હોય છે.